Transcription
1
Monsieur, d’aultant que monsieur du Croz a entendu que messieurs de Grenoble
2
ne luy donneroient entree sans ung passeport votre Il m’a prié vous fere
3
cest-cy afin qu’il vous plaise le luy accorder, et que par votre moien je y puisse
4
aller negotier certain afaire qu’il y a pour taison du proces d’entre monsieur de
5
Naucase, son fraire, et luy. S’il vous plaict le gratiffier en cest endroict, cella
6
luy aydera grandement et sadite negociation, à laquelle sa presence est necesserement
7
requise. Il est gentilhomme qu’il recotgnoistra tousiour la faveur qu’il recevra
8
de vous, à vous en rendra perpetuelement service. Il n’est rien survenu depuis
9
ma precedante qui soit digne d’en faire ceste=cy plus longue. Surquoy je salueray
10
voz bonne graces de mes treshumbles recommandations et prieray
11
notre seigneur qu’il vous doint
12
Monsieur, en santé treslongue, heureuse et contente votre, à Montelimar
13
le XVIIe mars 1574
14
Votre treshumble, treshobeyssant filz et serviteur
15
Hourche